PROXECTO “COÑECE ESPAÑA”
Os alumnos/as de 5º e 6º de Primaria seguirán a traballar no Proxecto que titulamos “Coñece España”.
A idea xurdiu baseándonos no Proxecto da Xunta “Escolas Viaxeiras”.
1. Todos os nenos/as de 5º e 6º Primaria participan no Proxecto “Coñece España” no que se traballa en equipos. Cada equipo está formado por 3 alumnos/as que desenvolven o coñecemento dunha Comunidade Autónoma.
2. O traballo está supervisado por 4 profesores sendo un deles o seu profesor de Coñecemento do Medio.
3. Cada día, o traballo é reforzado con puntos. Valórase individualmente o traballo, o comportamento e a responsabilidade. Os 15 que acaden maior número de puntos no momento de facer a solicitude serán aqueles que participarán nas “Escolas Viaxeiras”.
4. Ao final do curso repárteselles unha enquisa aos nenos/as para coñece-las súas impresións.
Séntense moi responsables no xeito de traballar.
Os alumnos/as de 5º aprenden coñecementos sobre España, o que ata este momento non forman parte do currículo, e para os de 6º sérvelles de reforzo e complemento.
Están moi ilusionados por participar neste Proxecto.
Tense solicitado a participación no Proxecto “Escolas Viaxeiras” da Xunta, e 15 nenos/as de 6º de Primaria do noso Centro conseguiron “a desexada viaxe”. Foron á Comunidade Valenciana acompañados pola profesora de Coñecemento do Medio. Alí compartiron experiencias inesquecibles con outros dous colexios: un de Huelva e outro da Rioxa.
No curso 03/04 comezaron a traballar no mesmo programa os alumnos/as de 4º de E. Primaria cunha variante nomeada "Coñece Galicia".
No curso 04/05 os alumnos/as de 6º de E. Primaria acadaron de novo a viaxe organizada pola Xunta de Galicia dentro do Programa Escolas Viaxeiras. 15 alumnos/as do noso Centro desfrutaron, ao longo dunha semana, do 11 ao 18 de outubro, dunha viaxe á Comunidade Catalana na compaña dun colexio de Cidade Real e outro de León.
No curso 08/09, do 13 ao 19 de outubro, os alumnos/as de 5º de Primaria desfrutaron dunha viaxe á Comunidade de Madrid na compaña dun colexio de Canarias e outro de Cataluña.