HÁBITOS E VALORES NA EDUCACIÓN INFANTIL
Este Proxecto innovador de Hábitos e Valores na Educación Infantil leva funcionando xa seis anos con grandes resultados e recoñecementos, non só dentro da Comunidade Educativa, senón dentro e fóra da nosa Comunidade Galega.
Obxectivos:
Traballar Hábitos e Valores na Educación Infantil.
Involucrar ás Familias no desenvolvemento do Proxecto.
¿Que se traballa?
Trabállanse 20 contidos que fan referencia a 4 áreas:
Identidade Persoal.
Autonomía.
Orde.
Alimentación.
Estes contidos están secuenciados por niveis en 3, 4 e 5 anos.
¿Como se traballa?
Entréganse as tarxetas a principios de cada mes.(1 por área)
Trabállase, na casa, unha tarxeta por semana.
Os pais elixen a orde.
O venres, os nenos/as traen ao Colexio a tarxeta conseguida.
Coloréase a tarxeta e rexístrase o logro no panel da clase.
Ao consegui-las 4 tarxetas do mes fáiselle entrega dunha medalla.
Trimestralmente, coincidindo coa festa do Nadal, Pascua e fin de curso, organízase unha festa coas familias na que se lles fai entrega aos nenos/as dun Diploma acreditativo de ter acadados os Hábitos e Valores correspondentes.
Este Proxecto foi gañador do Premio a "Las Mejores Prácticas Educativas" outorgado polo MECD.