AS PROFESORAS DE EDUCACIÓN INFANTIL INFORMAN
A Educación Infantil é unha das Etapas máis importantes e de maior trascendencia na vida do voso fillo/a, por este motivo paga a pena implicarse para que todo o proceso saia o mellor posible, formando deste xeito unha familia que axudará ao alumno/a a consegui-los obxectivos propostos.
As pautas que debedes seguir para unha mellor coordinación e organización son:
< No caso de enfermidade contaxiosa, debedes comunicalo telefonicamente á Dirección do Centro e non trae-lo neno/a ao Colexio.
< Debedes comunicar a través da Axenda Escolar, telefonicamente ou directamente á profesora se o voso fillo vai ser recollido por unha persoa distinta da habitual.
< Os alumnos de Infantil-3 deben traer ao cole unha muda completa e un chándal por se se mollan ou se lixan.
< Todas as prendas deben estar marcadas co nome e apelido para evitar posibles perdas ou trocos.
< O mandilón e o abrigo deben ter unha cinta para poderen colgalos.
< Non deben traer cadeas, pulseiras nin aneis.
< Para a hora do recreo, aconsellamos un batido, zume ou galletas. Por favor non lles mandedes lambetadas.
< As saídas do Centro para a participación en actividades escolares faranse sempre previa autorización a través da Axenda Escolar.
< Debedes esixirlles, aos vosos fillos/as, responsabilidades axeitadas á súa idade. Axudádeo no que precise sen sobreprotexerlo.
< Procurade que na casa adquira os hábitos mínimos: ir ao servizo só, vestirse, orde e aseo persoal.
< No caso de que un alumno/a se atope indisposto, chamarase á familia e actuarase en consonancia coa decisión acordada.
< No caso de accidente escolar actuarase do mesmo xeito. No caso de urxencia médica, e non localizar á familia, trasladarase o alumno/a ao Centro médico concertado polo seguro escolar. (Clínica San Miguel - Ponteareas)
< Se un alumno/a ten que tomar un medicamento en horario escolar, comunicaráselle á titora, por escrito a través da Axenda Escolar. Nunca deixedes o medicamento nas mans do alumno/a.
< Cando o alumno celebre o seu cumpreanos no cole, aconsellamos modera-la cantidade de lambetadas coas que se agasalla. Hai outras posibilidades.
< No outono e na primavera é máis habitual a aparición de piollos. A Consellería de Sanidade recomenda extrema-la precaución en canto a hixiene e vixilancia do cabelo.
Un saúdo. As Profes de Educación Infantil.